Parlament Senatynyń Tóraǵasy Qasym-Jomart Toqaev pen BUU Saýda jáne damý konferensııasynyń (IýNKTAD) Bas hatshysy Mýhısa Kıtýıı Qazaqstan men osy uıym yntymaqtastyǵynyń keleshegin talqylady.
Q. Toqaev Prezıdent N.Nazarbaevtyń bastamasymen ázirlengen «100 naqty qadam» Ult jospary men Úshinshi jańǵyrý baǵdarlamasynyń iske asýy týraly M. Kıtýııdi habardar etti. Senat Tóraǵasy Qazaqstanda qolaıly bıznes ahýaly men jaıly ınvestısııalyq klımatty qamtamasyz etý maqsatyn kózdeıtin jumystardyń júrgizilip jatqanyna júzdesýshiniń nazaryn aýdardy.
Áńgime barysynda Qazaqstannyń kólik-logıstıka áleýetin damytý máseleleri kóterildi. Q.Toqaev «Nurly jol» baǵdarlamasyn iske asyrý barysy, onyń QHR-dyń «Jibek joly» ekonomıkalyq beldeýi bastamasymen úılesetini týraly áńgimeledi. Baǵdarlama aıasynda Eýrazııalyq alýan úlgidegi kólik dálizi jumys isteı bastady, Batys Eýropa – Batys Qytaı tranzıt dáliziniń Qazaqstandaǵy bóliginiń qurylysy aıaqtaldy.
Senat Tóraǵasy aımaqtyq saýda qatynastaryn órkendetýdegi, teńizge shyǵatyn joly joq elderdiń ekonomıkalyq jáne kólik múmkindikterin kúsheıtýdegi IýNKTAD uıymynyń úlesin joǵary baǵalady, ol halyqaralyq saýda yqpaldastyǵyna járdemdesetin atap ótti.
M. Kıtýıı Qazaqstanmen ózara tıimdi yntymaqtastyqty ulǵaıtý jáne birlesken jobalardy júzege asyrý jónindegi IýNKTAD josparlaryn rastady.